རྗེ་ཙོང་ཁ་པའི་རིག་གཞུང་བགྲོ་གླེང་ཚོགས་འདུ་སྐབས་གསུམ་པ་མཚོ་སྔོན་མི་རིགས་སློབ་ཆེན་དུ་གཟབ་རྒྱས་ངང་ཚོགས་འགོ་བརྩམས་པ།

发布时间:2017-07-07 09:45:30

ཀྲུང་གོ་བོད་ཀྱི་དྲ་བའི་འཕྲིན། (གསར་འགོད་པ། བསམ་འཕེལ་ནོར་བུ།)རྗེ་ཙོང་ཁ་པའི་རིག་གཞུང་བགྲོ་གླེང་ཚོགས་འདུ་སྐབས་གསུམ་པ་མཚོ་སྔོན་མི་རིགས་སློབ་གྲྭ་ཆེན་མོ་དང་ཙོང་ཁ་པ་ཞིབ་འཇུག་གླིང་གཉིས་ཀྱིས་གཙོ་སྒྲུབ་མཛད་དེ་ཟླ7པའི་ཚེས6ཉིན་མཚོ་སྔོན་མི་རིགས་སློབ་གྲྭ་ཆེན་མོའི་ཙོང་ཁ་པ་ཞིབ་འཇུག་གླིང་དུ་གཟབ་རྒྱས་ངང་ཚོགས་ཤིང་། ཀྲུང་གོ་སྤྱི་ཚོགས་ཚན་རིག་ཁང་གི་འཛམ་གླིང་ཆོས་ལུགས་ཞིབ་འཇུག་སྡེ་ཁག་དང《འཛམ་གླིང་ཆོས་ལུགས་ཞིབ་འཇུག》རྩོམ་སྒྲིག་ཁང་། ཀྲུང་གོའི་བོད་རིག་པའི་ཞིབ་འཇུག་ཁང་། ཀྲུང་དབྱང་མི་རིགས་སློབ་གྲྭ་ཆེན་མོ་དང་བོད་ལྗོངས་སློབ་གྲྭ་ཆེན་མོ། ནུབ་བྱང་མི་རིགས་སློབ་གྲྭ་ཆེན་མོ། ལྷོ་ནུབ་མི་རིགས་སློབ་གྲྭ་ཆེན་མོ།པེ་ཅིན་སློབ་ཆེན།ཧི་ནན་སློབ་ཆེན། ཧྥུའུ་ཏན་སློབ་ཆེན། མཚོ་སྔོན་མི་རིགས་སློབ་གྲྭ་ཆེན་མོ་དང་མཚོ་སྔོན་དགེ་ཐོན་སློབ་གྲྭ་ཆེན་མོ་སོགས་ནས་ཐོན་པའི་ཞིབ་འཇུག་པ་དང་ཆེད་མཁས་པ།དགེ་རྒན་ཆེན་མོ་དང་།

བོད་བརྒྱུད་ནང་བསྟན་ཆོས་སྡེ་ཆེན་མོ་དག་ནས་སླེབས་པའི་དགེ་བཤེས་བཅས་ཚོགས་ཞུགས་ལས་ཁུངས་དང་ཆེད་མཁས་པ་མི་བརྒྱ་ལྷག་ཐེངས་འདིའི་ཚོགས་འདུར་ཞུགས་ཡོད།

 

     ཐེངས་འདིའི་བགྲོ་གླེང་ཚོགས་འདུར་ཁ་བྱང་ལ《རྗེ་ཙོང་ཁ་པའི་བྱང་ཆུབ་ལམ་རིམ་འབྲིང་བ་སོགས་ལས་བསྟན་པའི་ཡན་ལག་བདུན་པ་དང་དེའི་གོ་རིམ་སོགས་ལ་དཔྱད་པ།》དང《བཀའ་གདམས་ཆོས་འབྱུང་ལས་རྗེ་ཙོང་ཁ་པ་དང་དགེ་ལུགས་པའི་དགེ་བཤེས་རྣམས་ཀྱི་རྣམ་ཐར་སྐོར་གླེང་བ།》《རྗེ་ཙོང་ཁ་པ་ཆེན་པོའི་གསར་གཏོད་གནང་བའི་དགའ་ལྡན་གསེར་ཁྲིའི་ལམ་ལུགས་ཀྱི་དགེ་མཚན།》《དབུ་མ་དགོངས་པ་རབ་གསལ་ལས་དགག་བྱ་ངོས་འཛིན་ཚུལ་སྐོར་བཤད་པ།》《རྗེ་ཙོང་ཁ་པ་ཆེན་པོའི་སྙན་རྩོམ་གྱི་རྗོད་བྱེད་ཚིག་གི་དབྱངས་ཀྱི་མཛེས་པ་བརྗོད་པ།》《རྗེའི་ལམ་རིམ་ཆེན་མོ་དང་དེའི་འགྲེལ་པ་གྲགས་ཅན་འགའ་ངོ་སྤྲོད།》སོགས་བསྡོམས་པས་དཔྱད་རྩོམ38འབྱོར་ཡོད་ཅིང་།དེའི་ཁྲོད་རྒྱ་ཡིག་གི་དཔྱད་རྩོམ17དང་བོད་ཡིག་གི་དཔྱད་རྩོམ21ཡོད། ཚོགས་ཡུན་ཉིན་གཉིས་ཀྱི་རིང་ལ་ཆེད་མཁས་པ་རྣམས་ཀྱིས་རང་རང་གི་དཔྱད་རྩོམ་གཞིར་བཟུང་ནས་ཚོགས་ཐོག་ཏུ་སྒྲོག་འདོན་བྱེད་རྒྱུ་རེད།  །

     

上一篇:མཚོ་སྔོན་གྱིས་བརླན་ས་ཚང་མ་སྲུང་སྐྱོབ་ཁྱབ་ཁོངས་སུ་བཞག་པ།

下一篇:བོད་ལྗོངས་ཟློས་གར་ཚོགས་པ་རེབ་གོང་ལྷ་རིས་སྒྱུ་རྩལ་གྱི་ཕ་སར་བསྐྱོད་པ།

版权所有:西藏民族大学图书馆 更新

地址:陕西省咸阳市文汇东路六号 邮编:712082 电话:029-33755418 邮箱:lib@xzmu.edu.cn

您是第 1783984 位访客