༄༅།།ཀྲུང་གོའི་གཞོན་ནུ་བཟང་པོཞེས་པའི་བྱ་དགའ་ཐོབ་མཁན་གྱི་མིང་ཐོ་ཡོངས་བསྒྲགས་བྱས་ ཤིང་བོད་ལྗོངས་ཀྱི་ཕུལ་བྱུང་གཞོན་ནུ་བཅུ་ལ་མཚན་སྙན་འདི་ཉིད་ཐོབ་པ། གསར་འ

发布时间:2017-07-21 03:18:28

 མི་དམངས་དྲ་བའི་འཕྲིན། ཟླ་༧ཚེས་༡༩ཉིན་གྱི་སྔ་དྲོར། "ཀྲུང་གོའི་གཞོན་ནུ་བཟང་པོ"བརྒྱ་འཚོལ་འདེམས་སྤྱི་ཕན་བྱེད་སྒོ་ཆེན་པོའི་བོད་ལྗོངས་འགྲན་ཁུལ་གྱི་ཕུལ་བྱུང་གཞོན་ནུ་བཅུ་རེ་ཞུ་མི་སྣ་མང་པོའི་ཁྲོད་ནས་ཀུན་ལས་ཁྱད་དུ་འཕགས་པས། "ཀྲུང་གོའི་གཞོན་ནུ་བཟང་པོ"ལ་བདམས་ཐོན་བྱུང་བ་རེད། དེ་ནས་ཨ་ལི་པཱ་པཱ་ཡི་ཉིན་ལྟར་དྲང་ནུས་ཞེས་པ་ཡིས་དངུལ་ཁང་བརྒྱུད་དེ་ཐད་ཀར་དངུལ་གཏོང་ཐབས་ཐོག་ནས་བྱ་དགའ་དངུལ་སྒོར་༥༠༠༠རེ"ཀྲུང་གོའི་གཞོན་ནུ་བཟང་པོ"ཞེས་པའི་མཚན་སྙན་ཐོབ་མཁན་ལ་འགྲེམས་གཏོང་བྱ་རྒྱུ་ཡིན་ལ། དུས་མཚུངས་སུ"ཀྲུང་གོའི་གཞོན་ནུ་བཟང་པོ"ཞེས་པའི་མཚན་སྙན་ཐོབ་མཁན་ཚང་མར་སྦྲག་སྲིད་ནས་བྱ་དགའ་ཐོབ་པའི་དཔང་ཡིག་ཀྱང་བསྐུར་རྒྱུ་རེད། བོད་རང་སྐྱོང་ལྗོངས་ཀྱི"ཀྲུང་གོའི་གཞོན་ནུ་བཟང་པོ"ཞེས་པའི་བྱ་དགའ་ཐོབ་པའི་མིང་ཐོ་གཤམ་གསལ།གཞིས་ཀ་རྩེ་གྲོང་ཁྱེར་གྱི་མཐོ་རིམ་སློབ་འབྲིང་དང་པོའི་བཀྲ་ཤིས་དོན་གྲུབ་དང་རྩྭ་རིང་གྲོང་རྡལ་སྒོ་བཙུགས་སློབ་ཆུང་གི་བསྟན་ལྷ་མོ་མཚོ་གཉིས་རྫོང་ཆ་ཚང་སློབ་ཆུང་གི་སངས་རྒྱས་བདེཆེན། སྦྲ་ཆེན་རྫོང་སློབ་འབྲིང་གི་སྐལ་གཡང་སྐྱིད།  གཞིས་ཀ་རྩེ་གྲོང་ཁྱེར་བསམ་གྲུབ་རྩེ་ཆུས་རྒྱ་མཚོ་གཞུང་ཤང་གི་རེ་བའི་སློབ་ཆུང་གི་ཚེ་བརྟན་གཡང་ལྷ།མཚོ་ཆེན་རྫོང་སློབ་འབྲིང་གི་ཀརྨ་ཀུན་བཟང་སྒྲོལ་མ།  དཀྱིལ་གྲོང་ཤང་སློབ་ཆུང་གི་ཀརྨ་ཉི་དོན།ལྷ་ས་སློབ་འབྲིང་གི་སྦྱིན་པ་ངག་དབང་། ལྷ་ས་གྲོང་ཁྱེར་སློབ་འབྲིང་དྲུག་པའི་བསྟན་འཛིན་བློ་བཟང་། འཇོ་མདའ་རྫོང་གི་དམའ་རིམ་སློབ་འབྲིང་དང་པོའི་བྱང་ཆུབ་ཁྱུང་མཚོ།གུང་གཞོན་ཚོགས་པ་བོད་རངསྐྱོང་ལྗོངས་ཨུ་ཡོན་ལྷན་ཁང་གི་མཛུབ་སྟོན་འོག "ཀྲུང་གོའི་གཞོན་ནུ་བཟང་པོ"བརྒྱ་འཚོལ་འདེམས་སྤྱི་ཕན་བྱེད་སྒོ་ཆེན་པོ་བོད་ལྗོངས་འགྲན་ཁུལ་གྱིས་མཐའ་མའི་དཔྱད་འདེམས་ལེགས་འགྲུབ་བྱས་པ་དང་། བོད་རང་སྐྱོང་ལྗོང་ཏང་ཨུའི་དྲིལ་སྒྲོག་པུའུ་དང་། གུང་གཞོན་ཚོགས་པ་བོད་རང་སྐྱོང་ལྗོངས་ཨུ་ལྷན། བོད་རང་སྐྱོང་ལྗོངས་སློབ་གསོ་ཐིན། བོད་ལྗོངས་ཚོང་ལས་ཚགས་པར་བཅས་ཀྱི་འབྲེལ་ཡོད་མི་སྣ་ལས་གྲུབ་པའི་དཔྱད་འདེམས་ཚོགས་ཆུང་གིས་དྲང་སྙོམས་དང་། དྲང་བཞག མངོན་གསལ་བཅས་ཀྱི་རྩ་དོན་ལྟར་ལོ་༦ནས་༡༨བར་ཡིན་པ་དང་། སྤྲོ་སེམས་ལྡན་ཞིང་རང་འབད་ཆེ་ལ། རང་བརྟེན་སྙིང་རུས་ཆེན་པོ་ལྡན་པ། ཁྱིམ་ཚང་གི་འགན་འཁྲི་ཧུར་ལེན་བྱེད་པ་བཅས་ཡིན་པ་མ་ཟད། སློབ་སྦྱོང་ལ་བརྩོན་འགྲུས་ཆེ་ཞིང་། ལས་སྐལ་སྒྱུར་ཐབས་གང་ཐུབ་བྱེད་པ། སྤྱོད་པ་བཟང་ལ་ཡར་ཐོན་བྱམས་སེམས་ལྡན་པ། ཡ་རབས་ཚུལ་ལྡན་ཡིན་པ། དོ་སྣང་བྱེད་དགོས་ཤིང་རང་སྐྱོང་ལྗོངས་རིམ་པའམ་རྒྱལ་ཁབ་རིམ་པའི་མཚན་སྙན་དང་དེ་བཞིན་སྤྱི་ཚོགས་ཀྱི་རོགས་སྐྱོར་ཆེན་པོ་ཐོབ་མྱོང་མེད་པ་བཅས་ཀྱི་ཆ་རྐྱེན་འཛོམ་དགོས་པ་བཅས་ལ་གཞིགས་ཏེ་སྐར་མ་རྒྱག་པའི་ཐབས་ལམ་ནས་རེ་ཞུ་འབུལ་མཁན་མང་པོའི་ཁྲོད་ནས"ཀྲུང་གོའི་གཞོན་ནུ་བཟང་པོ"བཅུ་བདམས་པ་རེད།


上一篇:“མཚོ་སྔོན་གྱི་འཐེན་ཐུག”ཆས་རྟགས་ཅན་དུ་བསྒྱུར་ཏེ་དབུལ་ཐར་ལ་སྐུལ་ཁྲིད་བྱས་པའི་བློ་སྒོ་འབྱེད་པ།

下一篇:༄༅།།ལྷ་མོ་ཟློས་གར་《ཧོར་གླིང་གཡུལ་འགྱེད་》མཚོ་སྔོན་རྨ་ལྷོ་ཁུལ་དུ་འཁྲབ་སྟོན་ཐོག་མ་བྱས་པ།

版权所有:西藏民族大学图书馆 更新

地址:陕西省咸阳市文汇东路六号 邮编:712082 电话:029-33755418 邮箱:lib@xzmu.edu.cn

您是第 1783892 位访客