བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་སྤེལ།

发布时间:2017-09-05 08:35:58

 ཟླ་༨ཚེས་༢༡ཉིན། ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་དབུ་བརྙེས་པའི་མཛད་སྒོ་སྤེལ།

              བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་ནི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་སུ་བཙུགས་པའི་བོད་ཡིག་དཔེ་མཛོད་ཀྱི་ཐོན་ཁུངས་ཆ་འཕྲིན་བསྡུ་རུབ་དང་གསོག་ཉར་བྱེད་པའི་ལྟེ་གནས་ཡིན། དམིགས་ཡུལ་ནི་བོད་ཀྱི་རིག་གནས་སྲུང་སྐྱོབ་དང་འཕེལ་རྒྱས་གཏོང་བ། ཚན་རིག་ཞིབ་འཇུག་ལ་ཆ་འཕྲིན་གྱི་ཐོན་ཁུངས་མཁོ་འདོན་བྱས་ཏེ། རིམ་གྱིས་རང་རྒྱལ་གྱི་ཆེས་ཆེ་བ་དང་དབང་རྟོན་ཆེ་བའི་བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་སུ་བསྒྱུར་རྒྱུ་རེད།


             བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་ནི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་དཔེ་མཛོད་ཁང་དུ་ཉར་ཚགས་བགྱིས་པའི་དཔེ་ཆ་དང་འཚོལ་ཀློག་མ་ལག་ལ་རྟེན་གཞི་བྱས་ཏེ་གཞི་གྲངས་མཛོད་འཛུགས་རྒྱུ་དང་། བོད་ཡིག་དཔེ་མཛོད་ཡིག་ཆ་ཉར་ཚགས་དང་སྲུང་སྐྱོབ་གཞི་གྲངས་མཛོད་འཛུགས་སྐྲུན་དང་། རིམ་གྱིས་འཐུས་སྒོ་ཚང་བའི་དེང་རབས་ཅན་དང་ཆུ་ཚད་མཐོ་བའི་བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་སུ་གསོག་འཇོག་དང་སྲུང་སྐྱོབ། འཚོལ་ཀློག བཀོལ་སྤྱོད་མ་ལག་བཅས་འཛུགས་རྒྱུ་རེད།

   

             བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་ཀྱི་ཐོག་མའི་དུས་རིམ་གྱི་ལས་འགན་གཙོ་བོ་ནི་བོད་ཡིག་གནའ་དཔེའི་ཐོན་ཁུངས་འཚོལ་བསྡུ་བྱ་རྒྱུ་ཡིན། མིག་སྔར་པེ་ཅིན་དང་བོད་རང་སྐྱོང་ལྗོངས། མཚོ་སྔོན། ཀན་སུའུ། སི་ཁྲོན་བོད་རིགས་ས་ཁུལ་གྱི་བོད་ཡིག་གནའ་དཔེ་པོད་༤༠༠༠༠ལྷག་བསྡུ་རབ་གནང་ཡོད།


             དབུ་བརྙེས་པའི་མཛད་སྒོའི་སྟེང་ཀྲུང་དབྱང་བོད་ཀྱི་ལས་དོན་མཐུན་སྦྱོར་ཚོགས་ཆུང་གཞུང་ལས་ཁང་གི་ཀྲུའུ་རེན་གཞོན་པ་སྲི་ཐར་དང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་ཏང་ཙུའི་ཧྲུའུ་ཅི་ཨན་ཆིས་ཧྲན་གཉིས་ཀྱིས་ལྟེ་གནས་ཀྱི་སྒོ་བྱང་གི་རས་ཡོལ་ཕྱེ་བ།

         

             ཤེས་རྟོགས་བྱུང་བ་ལྟར་ན། བོད་ཡིག་དཔེ་མཛོད་ཀྱི་གཞི་གྲངས་ལྟེ་གནས་ཀྱིས་བོད་ཡིག་གནའ་དཔེ་ཐོན་ཁུངས་བསྡུ་རུབ་དང་ལེགས་སྒྲིག་བྱས་པའི་རྨང་གཞིའི་སྟེང་། མུ་མཐུད་དུ་ཉེ་རབས་དང་དེང་རབས་ཀྱི་བོད་ཡིག་དཔེ་ཆའི་ཐོན་ཁུངས་བསྡུ་རུབ་དང་ལེགས་སྒྲིག་བྱ་འཆར་ཡོད།



 

上一篇:དཔལ་མགོན་འཛམ་གླིང་གེ་སར་ལ་ཕུལ་བ།

下一篇:༄༅།།སྐབས་དང་པོའི་རྒྱལ་ཡོངས་བོད་ཡིག་འཕྲིན་སྦྱོར་མཉམ་འདྲེས་འཕེལ་རྒྱས་བགྲོ་གླེང་ཚོགས་འདུ་ཁྲེན་ཏུའུ་རུ་འཚོགས་པ།

版权所有:西藏民族大学图书馆 更新

地址:陕西省咸阳市文汇东路六号 邮编:712082 电话:029-33755418 邮箱:lib@xzmu.edu.cn

您是第 1868976 位访客